Nasunog ang pavilion area diin gipahigayon ang mga panagsulti sa United Nations o ang ika-30 nga UN Conference of the Parties (COP30) sa Belém, Brazil.
Sumala sa UN nga maoy nagdumala sa mga miting sa klima sa COP, napalong ang sunog human sa unom ka minuto ug mga 13 ka tawo ang gitambalan tungod sa paglanghap og aso.
Miresulta usab kini sa pagbakwit sa daghang mga delegasyon nga mitambong sa summit. Liboan ka mga tawo ang mitambong sa mga panagsulti sa klima sa UN, lakip ang mga miyembro sa mga delegasyon gikan sa halos 200 ka mga nasud.
Ang fire brigade nagpahigayon og inspeksyon sa lugar aron masusi ang kaluwasan ug ang mga awtoridad sa Brazil temporaryong mipuli sa summit.
Wala pa matino ang hinungdan sa sunog, apan base sa mga saksi nga giinterbyu sa internasyonal nga media, posible nga sunog sa kuryente ang hinungdan.
Ang mga panagsulti anaa sa katapusang mga oras aron magkauyon sa sunod nga mga lakang aron matubag ang isyu sa pagbag-o sa klima sa dihang miulbo ang sunog, nga nakapalangan sa mga negosasyon.
