Gi-report sa UN Palestinian Refugee Agency, ang giingong pagdumili sa pagsulod sa Gaza Strip sa liboan ka mga trak nga adunay sulod nga mga suplay alang sa mga biktima sa gubat sa Israel-Palestine.
Sumala sa ahensya, dul-an sa tulo ka libo nga mga trak ang naglinya sa utlanan sa Gaza nga wala makasulod sa lugar tungod sa duha ka bulan nga blockade nga una nga gipahamtang sa Israel.
Tungod niini, ang ahensya sa UN nag-ingon nga ang kagutom sa lugar misamot, diin daghang mga bata, mga tigulang, ug mga babaye ang labi nga naapektuhan niini.
Ang duha ka bulan nga blockade mao ang pinakataas nga pagsira nga nahitabo sa Gaza Strip, sukad nagsugod ang panagbangi sa Israel-Palestinian pipila ka tuig na ang nilabay.
Sa milabay nga pipila ka mga adlaw, uban sa nagpadayon nga blockade, ang Israel usab gikataho nga nagpadayon sa pagpamomba sa pipila ka mga bahin sa Gaza sama sa Deir el-Balah ug al-Mawasi, duha ka mga dapit sa habagatang bahin sa Strip.
Sumala sa usa ka report sa Israel, 52,400 ka mga Palestinian ang napatay sukad sa pagsugod sa gubat, samtang liboan ka mga tawo ang gipangita pa ubos sa mga tinumpag sa mga building nga nahugno tungod sa sunod-sunod nga pagpamomba. (BOMBO Irene Ardiente)
