Pormal nga giablihan ni United Nations (UN) Tourism Secretary-General Zurab Polikashvili ang unang UN Tourism Regional Forum on Gastronomy nga gipahigayon sa Lapu-Lapu City, Cebu, kagahapon, Hunyo 26.
Sa iyang pakigpulong, gidayeg sa Secretary General ang pamunoan ni Tourism Secretary Christina Garcia Frasco sa pag-host sa inaugural nga kalihokan, nga namatikdan ang mainit nga pagdawat nga iyang nadawat sa una niyang pagbisita sa Sugbo.
Matod niya nga makasaysayanon ang maong kalihokan tungod kay nagselebrar sila sa unang higayon nga gastronomy forum sa rehiyon, ug dili lang gastronomy bisan kini kultura.
Matud pa ni Polikashvili nga ubos sa iyang pamunoan, gusto niyang magbilin og legacy sa organisasyon ug lakip sa iyang mga sugyot mao ang pagtukod og educational gastronomy center sa Pilipinas, ilabi na sa Sugbo sanglit ang nasud maoy nag-host sa prestihiyosong kalihukan sa unang higayon.
Mainiton nga gidawat ni Secretary Frasco ang hangyo sa opisyal sa UN, gipasiugda kung unsa ka suportado ang kasamtangang administrasyon sa mga inisyatibo sa DOT.
Ilabi na ang edukasyon ang panguna nga prayoridad sa mga turista ug ilang suportahan ang inisyatiba aron matabangan ang pagpalambo sa UN Tourism.
