Nagtapok ang mga senior tourism officials gikan sa 11 ka miyembrong nasud sa ASEAN alang sa 63rd ASEAN National Tourism Organization (NTO) Meeting sama sa Brunei, Cambodia, Indonesia, Laos, Malaysia, Myanmar, Singapore, Thailand, Timor-Leste, Vietnam, og ang host country, ang Philippines karong adlawa, Lunes, Enero 26, 2026, didto sa usa ka hotel sa Sugbo.
Ang maong tigom, nga gipangulohan ni Department of Tourism Undersecretary Verna Esmeralda Buensuceso, nagsilbing mahinungdanong lakang sa dili pa ang pormal nga pag-abli sa ASEAN Tourism Summit karong Miyerkules, Enero 28.
Tumong sa maong panagtigom nga mapalig-on ang kooperasyon sa rehiyon ug iduso ang ASEAN isip usa ka nagkahiusa ug malungtarong destinasyon sa turismo sa tibuok kalibutan.
Diin gihatagan og gibug-aton ni Undersecretary Buensuceso sa iyang opening remarks ang kamahinungdanon sa pagtinabangay sa mga lider sa turismo, ingun man nga gitataw ang kamahinungdanon sa turismo sa nasud sa digital nga kalihokan.
Subay niini, ang digital platform gitataw nga dako og tabang sa paglambo sa turismo sa usa nasud, ingun man ang digital transformation.
Gani, ang regional collaboration sa tagsa-tagsa ka mga nasud, lakip ang Pilipinas, gi-highlight ang panaghiusa sa mga partners sa ASEAN nga magpabiling global leaders sa turismo nga nagtumong sa pagdasig sa isig ka panginabuhian usab sa matag nasud.
