CEBU – Gihangop sa pipila ka mga magtutudlo ang unang adlaw sa pag abli sa klasi sa School Year 2022-2023.
Subay pa ni, Churchita Padernal, ang Principal sa Guadalupe Elementary School, nga han-ay ra ang unang adlaw sa klase, apan ilahang gipaabot nga aduna pagyud mga studyente nga mo pa enroll pa.
Aduna usab mga studyente nga excited sa “first day of school’, aduna usab pipila nga dili mu sulod sa klasi Kay Dili gustu biyaan sa inahan, ilabi na ang kadtung naa sa kinder school.
Sa pikas kabahin, gibutyag ni Luz Pingol, ang assistant principal sa Zapatera Elementary School nag problema ang mga magtutudlo, ilabi na nga adunay ubay-ubay nga ginikanan nga karun pa nag pa enroll sa ilahang mga anak.
Sa habig sa mga inahan, ilahang gikalipay ang pagbalik sa face-to-face classes gumikan kay makwaan ang ilahang trabahoon ug ma minosan ang pag punay ug dula sa cellphone niini.
Kung kahinumduman mao kini ang unang higayun nga adunay face-to-face nga klase human sa duha ka tuig nga gibalhin kini ngadto sa distance learning modality tungod sa coronavirus disease (Covid-19) pandemic.
