Gilusad sa Israeli militar ang ilang unang ground offensive sa Gaza sukad naguba ang ceasefire deal tali sa Israel ug militanteng Hamas.
Dinhi, gilikosan sa Israel ang usa ka importanteng lugar sa Gaza.
Samtang, nagsugod ang operasyon usa ka adlaw pagkahuman gipadayon sa Israel ang pagpamomba sa Gaza.
Giakusahan sa Israel ang Hamas sa balikbalik nga pagdumili sa pagpagawas sa mga hostage ug pagbatok sa mga tanyag sa mga tigpataliwala.
Sa laing bahi, ang Hamas, nag-akusar kang Punong Ministro Benjamin Netanyahu sa pagpadako sa gubat ug pagbutang sa mga hostage sa peligro nga walay klaro nga kapalaran.
Ang Israeli Defense Forces mikompirmar nga ang ilang mga tropa nagsugod sa target nga mga kalihokan sa yuta sa sentral ug habagatang Gaza strip aron sa dugang nga pagpalapad sa seguridad zone ug sa paghimo sa usa ka partial buffer tali sa amihanan ug habagatang Gaza.
Isip kabahin sa ilang opensiba sa yuta, gipalapdan pa sa mga tropang Israel ang ilang kontrol sa sentro sa Netzarim Corridor.
Base sa datos gikan sa Gaza Health Ministry, sukad sa pagsugod sa gubat hangtod karon, dul-an sa 50,000 ka mga Palestinian ang napatay, kadaghanan kanila mga babaye ug mga bata.
