Gilunsad sa Department of the Interior and Local Government (DILG) ang unang Regional Command Center para sa Unified 911 System sa Dakbayan sa Sugbo, usa ka dakong lakang padulong sa usa ka language-inclusive emergency hotline system, nga nagpalambo sa abilidad sa gobyerno sa paghatag og tukma sa panahon ug episyente nga serbisyo sa pagtubag sa tibuok nasud.
Ang maong paglunsad gitambongan sa mga mayor sa Tri-Cities sila si Cebu City Mayor Nestor Archival, Mandaue City Mayor Jonkie Ouano, Lapu-Lapu City Mayor Cindi Chan, ug anaa sad si Cebu Governor Pamela “Pam” Baricuatro, ug si DILG Secretary Jonvic Remulla
Subay niini, nipasalig si Gov. Baricuatro nga anaa ang iyang suporta sa initiative, ug nipadayag nga dako kini nga lakang padung sa mas responsive ug unified emergency system sa Sugbo, busa mapasalamaton kini sa maong paglunsad sa Unified 911.
Naasoy usab niini nga nasayud na siya mahitungod niini pipila ka buwan ang nakalabay, ug nagplano sa pag himo og provincial unified system.
Busa, bug-os iyang pasalamat sa DILG ug sa tanang partner agencies sa pagpanguna sapagpalig-on sa emergency response capabilities sa tibook Visayas.
Gawas sa launching sa Unified 911 system, si Remulla, kinsa maoy special guest ug speaker, gikabutayag usab nga adunay 200 ka mga patrol cars, motorcycles ug firetrucks ang ihatud sa Sugbo.
Ang Unified 911 Visayas Regional Command Center gitunguha nga lambo sa koordinasyon sa mga emergency responders ug mohatag og paspas, mas kasaligan nga sistema system alang sa mga katawhan.
