Gipanawagan ni Kabayan partylist Rep. Ron Salo sa mga undocumented Filipinos sa Estados Unidos nga posibleng ma-deport sa bag-ong Trump administration.
Tambag niini sa mga kababayan sa US nga wala nay dokumento, nga paminawon ang panawagan ni Philippine Ambassador to the United States Jose Manuel Romualdez nga moboluntaryo kon wa nay laing legal nga kapilian.
Sumala sa banabana ni Ambassador Romualdez, mga 300,000 ka Filipino nationals, kinsa legal nga misulod sa US, apan sa ulahi nag-overstay sa ilang mga visa mahimong maapektuhan sa mas estrikto nga mga polisiya sa imigrasyon sa umaabot nga administrasyon ni Trump.
Giawhag usab ni Salo ang mga apektadong nag-overstaying nga mga Filipino nga kung gusto nila nga mobalik sa US, mas maayo nga moagi sa legal nga proseso.
Sa samang higayon, nanawagan usab si Salo sa usa ka whole-of-government, whole-of-the-society, ug whole-of-nation approach, aron maseguro nga mahatagan ug tukmang suporta, aron makasugod na usab sila sa ilang kinabuhi sa Pilipinas.
