CENTRAL VISAYAS-Patay ang anaa sa Unom ka mangingisda samtang unom ang naluwas human nasunog ang ilang sakayan samtang naglawig sa kadagatan sa dakbayan sa Naga, habagatang Sugbo Miyerkules sa gabii, Hunyo 5.
Sa pakighinabi sa Bombo Newsteam kay Coast Guard Ensign Abel Lomboy, ang tigpamaba sa Philippine Coast Guard District Central Visayas, gitino niini nga usa ka sunog ang niulbo sa fishing banca (FBCA) nga ginganlan og King Bryan alas 8:25 sa gabii.
Nilanat og usa ka oras ang mga bombero ug PCG personnel aron mapalong ang kalayo nga mikalas na sa kinabuhi sa tulo ka tripulante.
Sa sunodsunod nga search and rescue operations nga milungtad hangtod alas 6 sa buntag karong adlawa, Huwebes (Hunyo 6), nakaplagan sa mga opisyal sa Coast Guard ang laing tulo ka patayng lawas, hinungdan nga nisaka ngadto sa 6 ang gidaghanon sa patay.
Naluwas usab ang laing unom ka mga tripulante, lakip ang kapitan niini, ug gidala sa duol nga tambalanan.
Sa inisyal nga imbistigasyon, nag-gikan sa Masbate City ang bangka ug nakadungog ang mga tripulante niini og buto gikan sa engine room, nga ilang gituohan nga maoy hinungdan sa sunog.
Nagpadayon pa ang imbestigasyon aron masuta ang tinuod nga hinungdan sa sunog.
