‘unreleased’ song ni Beyonce, gikawat

Gibutyag sa singer nga si Beyonce nga gikawat ang iyang mga kanta nga wala pa gipagawas.

Matud niini nga lakip ang hard drive nga adunay mga bag-ong kanta ang gikawat gikan sa awto sa iyang choreographer samtang nagparking kini sa Atlanta kniadtong Hulyo 8.

Nahitabo ang insidente duha ka adlaw sa wala pa ang unang adlaw sa iyang Cowboy Carter tour sa Atlanta.

Sa gipadayag sa choreographer nga si Christopher Grant ug dancer nga si Diandre Blue, ilang giparada ang ilang giabangan nga black Jeep Wagoneer duol sa food hall.

Sa ilang pagbalik sa lugar ilang nasuta nga nabuak na ang bintana ug gikawat ang duha ka maleta.

Ingon man nga aduna nay suspek sa pagpanulis ang kapulisan.