LAPU-LAPU CITY-Niduol ni Congresswoman Cindi King Chan ang upat ka dalagita uban ang ilang mga ginikanan aron isumbong ang ‘attempted kidnapping incident’ nga ilang nahiaguman.
Base sa post sa kongresista, nagsugod kini human gi chattan ang usa sa mga biktima nga kuhaon silang model alang sa usa ka milktea brand, hinungdan nga giimbita niya ang iyang lain 3 pa ka mga amiga.
Sa adlaw sa ilang photoshoot unta, giingong nahibong ang mga dalagita nga lahi ang nikuha kanila.
Kung diin, gipasakay silang upat sa usa ka single motorcycle ug gidala sa usa ka subdivision sa Brgy Bankal.
Dugang pa, nga pag-abot, nagduda na sila sa lugar kay adunay mga posas, kadena, camera ug laptop.
Daling nakamatngon ang mga dalagita nga lahi ang plano sa nagdala nila maong nangita silag ug paagi nga makaikyas.
Gumikan niini, gimandoan ni Chan ang kapulisan nga magpadayon sa imbistigasyon.
Mipanghimangno kini sa tanang ginikanan nga bantayan ug kinahanglan makahibawo sa mga lakaw sa mga anak aron dili muabot sama niini nga mga panghitabo.
Miawhag usab kini sa kabatan-unan nga magpabilin nga magbinantayon ug dili magpahaylo sa mga kaduda-duda nga tanyag gikan sa mga taw nga dili kaila.
