US Embassy sa Beirut nagtugot sa mga lungsuranon sa pagbakwit sa Lebanon

Gitabangan na sa US Embassy sa Beirut ang ilang mga lungsuranon sa pagbakwit sa Lebanon.

Nunot kini sa nagkagrabeng panagbangi tali kanila ug sa Israel.

Ingon man nga aduna na usab sila’y mga porma nga gihatag sa ilang mga lungsuranon aron matabangan dayon sila sa paggawas.

Nakipag-alayon na usab ang US Embassy sa daghang mga kompanya sa eroplano alang sa paspas nga pagbakwit sa ilang mga lungsuranon.

Una nga gitambagan sa US State Department ang mga lungsuranon niini sa Lebanon nga mobakwit dayon tungod sa nagpadayon nga kagubot.