Gibawi sa administrasyon ni Trump ang mga visa sa mga opisyal gikan sa Palestinian Authority (PA) ug sa Palestine Liberation Organization.
Gihimo kini sa wala pa ang usa ka miting nga ipahigayon sa headquarter sa United Nations sa New York sa sunod buwan.
Ang maong desisyon niresulta human na gisaway sa Departamento sa Estado ang PA tungod sa “lawfare campaigns” lakip ang mga pag-apelar sa International Criminal Court of Justice (ICJ) ug sa International Criminal Court (ICC).
Ang PA gikataho usab nga nanawagan sa mga nasud nga ilhon ang Palestinian state.
Ang nasangpit nga mga hinungdan mao ang rason nga wala gibuhian sa Hamas ang mga binilanggo niini ug ang napakyas nga mga pakigpulong kabahin sa ceasefire.
Kahinomdoman nga ang ICJ kaniadto nag-isyu og desisyon nga ang Israel kinahanglan nga hingpit nga mobiya gikan sa Palestinian territory.
Samtang ang ICC nimando usab sa pagdakop sa Israeli Prime Minister Benjamin Netanyahu niadtong Nobyembre uban ni kanhi defense minister Yoav Gallant tungod sa ilang kalihokan kalabot sa war crimes.
