Gipahibalo sa Amerika ang giplano nga pakigsabot sa armas sa Israel nga nagkantidad og $8 bilyon.
Lakip sa gisugyot nga pagbaligya sa armas mao ang AIM-120C-8 AMRAAM air-to-air missiles alang sa fighter jets, 155mm artillery shells, small diameter bombs, 500-pound warheads, bomb fuzes ug uban pang kagamitan.
Gipresentar sa US State Department ang kasabutan isip usa ka lakang aron suportahan ang dugay nga seguridad sa Israel pinaagi sa pag-supply og mga stock sa mga critical munitions ug kapabilidad sa air defense.
Sumala sa usa ka opisyal sa US, giklaro ni Presidente Joe Biden nga katungod sa Israel ang pagpanalipod sa katawhan niini, subay sa internasyonal nga balaod ug internasyonal nga makitawhanong balaod ug aron mapugngan ang agresyon gikan sa Iran ug sa mga proxy nga organisasyon niini.
Ingon man nga magpadayon ang US sa paghatag og igong tabang sa depensa sa Israel.
Sa pagkakaron ang pag-aprubar sa US Congress alang sa maong pakigsabot sa armas uban sa Israel kay pending pa.
Gihimo sa administrasyong Biden ang sugyot pipila lang ka semana sa wala pa ang nagsingabot nga mga adlaw sa termino ni Presidente Biden sa wala pa ang inagurasyon ni Presidente-elect Donald Trump karong Enero 20, 2025.
Samtang, ang US nag-atubang sa pagsaway sa paghatag og tabang militar sa Israel taliwala sa nagkataas nga mga Palestinian nga kaswalti taliwala sa nagpadayon nga gubat sa Gaza, nga mikalas sa kapin sa 45,650 ka mga kinabuhi mga babaye ug mga bata sukad sa Oktubre 7 nga pag-atake.
