Gipasalig sa Amerika ang suporta niini sa mga lokal nga awtoridad sa Pilipinas sa pagpangita sa American vlogger nga si Elliot Eastman, kinsa gidagit sa Sibuco, Zamboanga Del Norte.
Basi sa pamahayag sa US Embassy sa Pilipinas, buhaton nila ang tanan aron matabangan ang mga awtoridad sa Pilipinas aron maluwas ang biktima.
Ingon man nga nipasalig ang embahada nga ilang prayoridad ang kaayohan ug kaluwasan sa ilang mga lungsuranon sa Pilipinas.
Abli usab ang ilang linya sa komunikasyon alang sa pamilya sa American vlogger.
Gitugyan sa US sa mga awtoridad sa Pilipinas ang pagpahigayon sa operasyon aron luwas nga maluwas ang biktima.
Sa laing bahin, gikompirmar sa PNP nga nagtukod sila og task force aron tutukan ang rescue operation batok sa biktima.
