US golf star Tiger Woods, mopailawom na usab sa operasyon

Ipailawom sa laing operasyon ang American golf star nga si Tiger Woods.

Matud pa niini nga sa mosunod nga mga adlaw mopailawom siya sa microdecompression surgery aron ayohon ang nerve issues sa iyang ubos nga likod.

Matud pa nga sukad sa miaging mga buwan sa mga torneyo nga iyang gisalmotan, iya na kining gibati.

Nanghinaot ang golf star nga kon mahuman na ang operasyon, mahibalik na siya sa normal niyang kinabuhi ilabi na sa pagduwa og golf.

Kahinumduman nga wala ipadayon ni Woods ang torneyo sa Genesis Invitational niadtong Pebrero tungod sa gibating kasakit.

Nasayran usab nga mao na kini ang ikaunom nga operasyon ni Woods sa daghang mga tuig.