Gikumpirma sa Swiss Foreign Ministry nga ang giplanong mga panagsulti tali sa Estados Unidos ug Iran gahapon, Biyernes, Hunyo 19, sa mountain resort sa Bürgenstock sa Switzerland gi-postpone.
Sa usa ka opisyal nga pahayag, gipasiugda nga ang Switzerland nagpabilin nga andam nga magsilbing tigpataliwala sa diyalogo tali sa duha ka nasud.
Bisan kung wala’y bag-ong petsa nga gihatag kung kanus-a kini ipadayon, ang mga pagpangandam nagpadayon pa sa Bürgenstock.
Niadtong Huwebes, gipahibalo usab sa White House nga si US Vice President JD Vance dili mobiyahe sa Switzerland tungod kay ang mga plano alang sa diyalogo wala pa nahuman.
Sa karon, ang US ug Iran adunay 60 ka adlaw aron tapuson ang kasabutan nga nagtumong sa pagtapos sa gubat.
Sumala usab sa mga taho, ang duha ka habig karon busy sa paghimo og “secret proposal” alang sa pagpatuman sa 14-point deal nga gipirmahan karong semanaha, lakip ang mga detalye kung giunsa pagsulbad ang kaugmaon sa nuclear program sa Iran.
