Gipaambit sa US Official nga i-withdraw sa Estados Unidos ang 600 ka mga sundalong Amerikano gikan sa Syria.
Tungod niini, ang gidaghanon sa nahabilin nga mga tropang Amerikano sa Syria mous-os ngadto sa ubos sa 1,000.
Ang mga tropang Amerikano sa Syria adunay duha ka nag-unang tahas, diin ang una iniini kay ang pagpakig-away sa mga militanteng Islamic State ug ikaduha, pagpugong sa nagsingabot nga gubat tali sa mga pwersa sa Kurdish ug Turkey.
Diin giisip sa Turkey ang pipila ka mga grupo sa Kurdish nga kaalyado sa mga terorista.
Gisuwayan ni U.S. President Donald Trump nga i-atras ang tanang sundalo gikan sa Syria sa una niyang termino, apan gibabagan kini sa Pentagon ug pipila ka mga senior official sa kahadlok nga mapakyas ang US sa mga kaalyado niini.
Hinugdan nga ang maong lakang misangpot usab sa pagkanaog sa posisyon ni kanhi Defense Secretary Jim Mattis.
Kapin sa 2,000 ka mga tropang Amerikano ang gipadala sa Syria human ang mga tensyon misaka sa 2023, tungod sa mga pag-atake sa mga grupo nga gipaluyohan sa Iran batok sa mga tropang Amerikano sa rehiyon.
Niadtong Enero 2024, tulo ka sundalo sa US ang namatay sa usa ka drone strike sa usa ka grupo nga nalambigit sa Iran ug Jordan.
Bisan kung ang Presidente sa Syria nga si Bashar Assad mikalagiw kaniadtong Disyembre 2024 ug pipila ka mga lungsuranon nagsugod na sa pagpauli sa ilang mga balay, ang kahimtang sa Syria nagpabilin nga peligro. Ang mga opensiba sa Israel nagpadayon ug adunay mga taho sa pagkabanhaw sa Islamic State.
