Nagpadala dayon ang US og mga sundalo niini sa Israel aron motabang sa pagmonitor sa ceasefire sa Gaza.
Diin ang mga sundalo nga gipadala kay nakabase sa Middle East.
Magtukod ang US militar og multinational taskforce sa Israel o nailhan isip civil-military coordination center.
Dinhi ilang kauban ang mga sundalo gikan sa Egypt, Qatar, Turkey ug United Arab Emirates.
Dili usab magbutang og mga sundalo ang US sa Gaza tungod kay ang ilang trabaho mao ang paghimo og Joint Control Center nga mokontrol sa mga multinational force.
Pangunahan ang taskforce sa US Central Command nga nakabasi sa Middle East ug bantayan ang pag-uswag sa kasabutan sa ceasefire.
Motabang usab sila sa pag-coordinate sa humanitarian assistance.
Samtang ang multinational nga pwersa mohatag og impormasyon sa Hamas ug Israel pinaagi sa Egypt ug Qatar sa sitwasyon sa ground.
Kahinumdoman nga giaprobahan sa gobyerno sa Israel ang unang bahin sa Gaza deal uban sa Hamas, nga matapos ang ceasefire ug ang pagpagawas sa mga hostage ug mga binilanggo.
