Gikatahong plano sa administrasyon ni US President Joe Biden nga mohatag og $1-B nga military aid sa Israel.
Matud pa nga giingon nga ang opisyal ni Biden nakigsulti na sa Kongreso bahin niini taliwa sa pagbabag ni Biden nga ipadayon ang pag-atake sa Israel sa Rafah nga nahimong dangpanan sa minilyon ka Palestinian aron makalingkawas sa gubat.
Basi sa mga taho, ang Departamento sa Estado sa US nagpadala sa package sa tabang sa Kongreso alang sa pag-apruba niini.
Diin ang maong tabang anaa sa $700-M nga tank ammunition, $500-M sa tactical vehicles, ug $60-M sa mortar rounds.
Gani, niining miaging semana, si Biden mihunong sa pagpadala sa mga hinagiban sa gubat sa Israel tungod sa kahadlok nga mao kini ang gamiton sa pag-atake sa Rafah.
Hinuon, una nang giklaro ni White House National Security Advisor Jake Sullivan nga magpadayon sila sa pagpadala og tabang militar sa Israel.
