Gipirmahan ni US President Donald Trump ang usa ka executive order kaniadtong Huwebes, Hunyo 19 nga gipalugwayan ang deadline sa pagpatuman sa TikTok ban exemption sulod sa 90 ka adlaw hangtod sa Septiyembre 17.
Kini nagtimaan sa iyang ikatulo nga paglangan sa potensyal nga pag-ban sa app nga gipanag-iya sa usa ka Chinese company.
Gipamahayag kini ni Trump pinaagi sa iyang post sa Truth Social.
Ang executive order nagmando sa Justice Department nga likayan ang pagpatuman sa “Protecting Americans from Foreign Adversary Controlled Applications Act” o pagpahamtang og mga silot batok sa mga entities sa noncompliance sa panahon sa extension period.
Gipasar sa US Congress ang bipartisan nga lehislasyon niadtong 2024 nga nag-require sa ByteDance, ang Chinese parent company sa TikTok nga i-dismiss ang mga operasyon niini sa US o mag-atubang sa usa ka nationwide ban.
Ang balaod kay motivated sa national security concerns sa US Trump administration nga ang TikTok mahimong mapugos sa pagpaambit sa sensitibo nga datos sa tiggamit sa Amerika ngadto sa Beijing o makahimo sa mga kampanya sa mga covert influence campaigns.
Gipaluyohan sa Korte Suprema ang konstitusyonalidad sa balaod niadtong Enero ning kasamtangang tuig.
Unanag nang gidelatar ni Trump ang pag-ban atol sa pag-asumir niya sa opisina sulod sa 75 ka adlaw dayon gisundan sa lain nga extension kaniadtong Abril.
Ang video-sharing platform kay ginagamit sa gibana-bana nga 170 milyon ka mga American users diin sa makadiyot na-offline kini atol sa inugurasyon ni Trump.
