-- ADVERTISEMENT --

Gipasalig ni US President Donald Trump ang hugot ug padayon nga suporta sa Estados Unidos alang sa kalampusan, soberanya, ug kauswagan sa mga nasud sa Southeast Asia.

Sa iyang pamahayag atubangan sa mga lider ug kaalyado sa rehiyon, gipasiugda ni Trump nga ang Amerika usa ka tinuod nga nasud sa Pasipiko ug adunay lig-on nga kasaysayan sa pakig-alayon sa Southeast Asia.

Matod niya, sulod na sa pipila ka gatos ka tuig nga nakiglambigit ang Estados Unidos sa patigayon, komersiyo, ug diplomasya sa maong rehiyon.

Dugang pa ni Trump, anaa siya aron ipamatuod ang lawom nga dedikasyon sa Amerika sa mga higala ug kaalyado niini sa Southeast Asia, ug gipasalig niya nga kanunay magpabilin ang Estados Unidos isip kasaligan nga kaabag sa rehiyon.

Ingon man nga mipasalig kini nga andam siyang direktang motubag sa mga tawag sa higayon nga adunay motumaw nga problema.

-- ADVERTISEMENT --