Mitataw nga gi-ango-ango si Elon Musk atod pa ni US President Donald Trump kaniadtong Biyernes, Hunyo 6 (oras sa Amerika).
Apan miinsistir nga gusto ni Trump nga mag-move on na gikan sa nagdilaab nga panagbulag sa iyang bilyonaryo nga kaalyado kaniadto.
Ang grabe nga public break-up tali sa world’s richest person ug sa world’s most powerful world leader kay puno sa mga peligro sa politika ug ekonomiya sa tanan nga nagpalibot niini.
Gibasura ni Trump ang ideya nga tawagan si Musk aron husayon ang panagbangi ug naghunahuna pa gani sa ilabay ang puwa nga Tesla car nga iyang gipalit sa kataas sa ilang bromance, sumala sa mga opisyal sa White House.
Apan gisultihan ni Trump nga gusto na niya nga mag-focus sa pagpasa sa iyang “dako ug matahum” nga mega-bill nga maoy hinungdan sa ilang panagbulag.
Apan ang 78-anyos nga American Republican President wala makapugong sa iyang kaugalingon sa pagpuntirya sa iyang higala nga natawo sa South Africa nga nahimong kaaway.
Usa lang ka semana ang milabay gihatagan ni Trump si Musk og usa ka glowing send-off samtang gibiyaan niya ang iyang cost-cutting role sa gitawag nga Department of Government Efficiency (DOGE) pagkahuman sa upat ka bulan nga pagtrabaho.
