US rapper Lil Nas X, gidakop tungod nagbaktas nga naka-brief sa Los Angeles

Gidakop sa kapulisan sa Los Angeles ang award-winning rapper nga si Lil Nas X.

Kini human nga nagbaktas sa Ventura Boulevard nga nagsul-ob sa iyang underwear with matching cowboy boots.

Sa pag-abot sa mga opisyal, ilang nakit-an ang rapper nga naka-brief ug gidakop tungod sa pagsukol sa otoridad.

Gipaambit usab sa tigpamaba sa Los Angeles Police Department (LAPD) nga si Charles Miller nga gidala ang rapper sa ospital tungod sa posibleng overdose.