Mouban si United States Secretary of State Marco Rubio kang President Donald Trump sa iyang pagbisita sa Pilipinas alang sa ika-49 nga ASEAN Summit.
Gikumpirmar kini sa Ambassador sa Pilipinas sa Estados Unidos nga si Jose Manuel “Babe” Romualdez nga mouban si Rubio kang Trump sa pagbiyahe paingon sa Pilipinas.
Diin ang Presidente sa US gilaumang moabot sa nasod ugmang adlawa, Martes, Nobyembre 17.
Samtang, pormal na nga gibuksan ni President Ferdinand “Bongbong” Marcos Jr. ang ika-49 nga Association of Southeast Asian Nations (ASEAN) Summit ug mga may kalabotan nga tigom sa Philippine International Convention Center (PICC) sa Pasay City, Metro Manila, Dominggo, Nobyembre 15, 2026.
Ubos sa temang “Navigating Our Future, Together,” ang maong tulo ka adlaw nga summit ipahigayon gikan Nobyembre 15 hangtod 17, 2026.
Tungod niini, gideklarar na usab ang special non-working days sa tibuok Metro Manila gikan Nobyembre 16 hangtod 18.
Atol sa pagbukas, gipasiugda ni Presidente Marcos ang kapin sa 100 ka mga deliverables ug 19 ka mga economic goals ubos sa pagdumala (chairship) sa Pilipinas.
Gipunting niini ang konkretong kooperasyon sa rehiyon, paglambo sa ekonomiya, seguridad sa enerhiya ug pagkaon, ug ang katumanan sa ASEAN Vision 2045











