Mikabat na sa kapin 850,000 ka mga konsumidor sa U.S. hangtod sa kasadpan sa New Mexico ang walay kuryente ug kapin sa 10,000 ka mga flight ang gikanselar niadtong Domingo tungod sa monster winter storm.
Sa nagpadayon nga snow, freezing rain, ug delikado nga katugnaw sa temperatura kay misaka usab ang gidaghanon sa mga naapektuhan sa pagkabalda sa kuryente.
Ingon man ang mga flight nga kinahanglan nga kanselahon tungod sa delikado nga panahaon, sama nalang sa Ronald Reagan National Airport sa Washington, D.C.
Padayon gihapon nga makasinati og mas bugnaw pa nga panahon gikan sa Ohio Valley hangtod sa Northeast, lakip ang 18 ka pulgada sa New England, nga maoy basi sa pinakabag-o nga forecast sa National Weather Service alang karong adlawa sa Lunes.
Gilauman usab nga mas mobug-at pa ang pag-ulan og niyebe ang kadaghanan sa Southeast ug mga bahin sa Mid-Atlantic.
Busa, subling mipahimangno ang mga otoridad sa US nga magpabilin sa ilang mga kabalayan ug magbiantayon sa mga pasidaan.
