Nakabawi na ang Team USA gikan sa Team Uruguay sa usa ka rematch sa duha sa quarterfinals sa FIBA AmeriCup 2025.
Nakadaog ang Team USA bisan pa sa 7-point deficit sa half time, 45-38.
Sa pagsulod sa 3rd quarter, mihimo dayon ang US og 10-2 run nga gisundan sa dominanteng opensa hangtod sa pagtapos sa 4th quarter bitbit ang 13 puntos nga labaw sa iskor nga 83-70.
Ang point guard nga si Javonte Smart maoy top scorer nga adunay 27 puntos, gamit ang 70% shooting.
Lig-on ang gipakitang depensa sa Team USA ilabi na sa 2nd half human gilimitahan ang kontra ngadto sa 25 puntos sa 3rd ug 4th quarters.
Si Jack Cooley maoy nangulo sa depensa sa US, dihang iyang nasakmit ang unom ka defensive ug unom ka offensive rebounds. Gisundan kini ni forward Tyler Cavanaugh kinsa misakmit og 8 ka rebounds.
Ang 17 puntos ug tulo ka steals ni guard Santiago Vescovi nausik sa kapildihan sa Uruguay ug sa kataposang eliminasyon.
Sa kadaugan sa US, naa na kini sa semis sa nagpadayon nga IBA AmeriCup 2025. Magsangka kini sa Team Brazil karong Lunes, Agosto 31 (Phil. Time).
