Gipahibalo ni US National Security Adviser Jake Sullivan nga buhaton sa Estados Unidos ang bisan unsa nga gikinahanglan aron maseguro nga mahimo sa Pilipinas ang resupply mission sa BRP Sierra Madre nga nagsilbi nga outpost sa Ayungin shoal aron hingusgan ang soberanya sa PH sa West Philippine Sea.
Asoy ni Sullivan sa Colorado nga giklaro sa Estados Unidos ngadto sa China nga ang mga pampublikong barko sama sa BRP Sierra Madre nga nasangad sa Ayungin shoal kay sakop sa Mutual Defense Treaty sa US uban sa ang Pilipinas.
Dugang niini nga ang habig sa Amerika misulay usab sa pagkonsulta sa PH tungod kay usa kini ka desisyon nga ang PH mao’y manguna, unsaon nga mas epektibong reprovision ang barko aron masustiner ang suplay sa pagkaon, tubig ug uban pang panginahanglan sa mga tropa nga nadestino aron mapadayon ang ilang misyon ug ang US buhaton ang tanan aron matuman kini sa Pilipinas.
Apan kon unsa ang espesipikong konsepto sa mga operasyon o mga paagi nga ang US maapil niini, si Sullivan miingon nga ilang ipadayon ang ‘status quo’ sa lugar ug ang Amerika magpadayon sa pagsuporta ug pagbarug uban sa PH, ingon man sa mga lakang nga kuhaon sa nasud aron matuman ang misyon sa suplay.
