US Treasury, nagpahamtang og bag-ong mga silot batok sa 36 ka kompanya sa Iran

Gianunsyo sa US Treasury ang bag-ong mga silot batok sa 36 ka kompanya nga giingong nalambigit sa pagsuporta sa gobyerno sa Iran.

Apil niini ang 27 ka Iranian airline nga giingong misuporta sa aviation sector sa Iran.

Sumala sa US Treasury, gigamit sa gobyerno sa Iran ang aviation sector aron sa pagdala sa mga armas, sundalo ug ilegal nga mga kargamento.

Matod pa sa US Treasury, kabahin kini sa ilang gisaad nga aksyon batok sa mga kompanyang mosuporta sa gobyerno sa Iran.

Si US Treasury Secretary Scott Bessent miingon nga naglaum siya nga magsilbi kining leksyon sa mga kompanya sa airline nga nagpadayon sa pagsuporta sa mga polisiya ug tumong sa gobyerno sa Iran.