Nagkauyon ang Estados Unidos ug Iran nga tapuson ang ilang gubat, matod ni Pakistani Prime Minister Shehbaz Sharif niadtong Lunes.
Matud ni Sharif, nga ang opisyal signing ceremony ipahigayon sa Switzerland sa Biyernes.
Gikumpirma usab ni US President Donald Trump ang kasabutan sa social media, nga nag-ingon nga ang kasabutan sa Islamic Republic of Iran nahuman na.
Ang kasabutan miabot bisan pa sa mga airstrike sa Israel sa Lebanon niadtong Domingo, nga nakakuha og mahait nga pagsaway gikan sa Iran ug Trump.
Wala pa gipagawas ang kompletong mga detalye sa kasabutan, apan si Sharif miingon nga kini naglakip sa diha-diha ug permanente nga paghunong sa tanang operasyon sa militar, lakip na sa Lebanon.
Ang mga naunang report nagsugyot nga ang Strait of Hormuz maablihan pag-usab, ang pagbabag sa US sa mga pantalan sa Iran tangtangon, ug ang usa ka ceasefire mapalawig samtang ang mga panagsulti sa programa sa nukleyar sa Iran magpadayon sulod sa 60 ka adlaw.
Sumala ni Trump, ang Strait of Hormuz ablihan nga walay bisan unsang mga bayad ug ang pagbabag sa naval sa US matapos na.
Dugang niya nga ang mga suplay sa lana mahimo na nga mobalik sa merkado sa kalibutan.
