COLUMBIA-Igo nalang sa pag-sana all ang mga netizens sa usa ka babaye nga taga Columbia nga adunay 7 ka uyab nga mga senior citizens nga mga pensyunado.
Ning panahon karon, dili na bag-o o katingad-an ang age-gap sa mga relasyon apan, lahi ang gipaambit sa Columbian girl nga gihunatan ngadto sa pito ang iyang gi-uyab.
Giila kini nga si Lina nga taga Barranquilla, Columbia kinsang giingong wala matarog bisan paman nga gitsismis na kini.
Gipaambit ni Lina nga puro pakyas ang iyang mga karelasyon nga susamang edad kaniya hinungdan nga sa dihang gipangulitaw siya sa iyang silingan nga usa ka senior, ni-go kini.
Ingon man nga nagka-bond sa mga edarang lalake pinaagi sa pakig-hangout kong adunay libre nga oras ug puro mga maghigalaay.
Giklaro usab ni Lina nga dili na niya kinahanglan nga mangayo og bisan unsa gikan sa mga edarang lalake tungod kay willing nilang buhaton ang tanan nga gikinahanglan sa babaye.
