CEBU CITY – Patay ang usa ka 36-anyos nga babaye human nga maligiran og bato ang panimalay niini samtang natulog sa Sitio Coacohon, Brgy. Dungo-an, Danao City.
Giila sa mga kapulisan ang biktima nga si Janet Hermoso Lato, diin naangol usab ang live-in partner niini nga giilang si Nino Lee Tulod, 32-anyos.
Base pa sa imbestigasyon, gibutyag Police Staff Sergeant Wilson Roanida, desk officer sa Danao City Police Station nga nahitabo kini sa alas 3:00 sa kadlawn sa biyernes.
Gumikan sa sunod-sunod nga pag-ulan kay hinungdan nga nihimok ang yuta butang nga niligid ang usa ka dakung tipak sa bato diin nahimutang ang ilang balay sa usa ka bakilid nga lugar.
Nasayran usab nga bag-ong tukod kining balay diin nahimutang sa bukiran bahin sa syudad.
Kasamtangang nagpa-alim sa tambalanan ang lalake nga labihang napurohan sa insidente.// EKP
