Usa ka babaye, patay human nanganak sa daplin sa dalan sa General Maxilom ning dakbayan sa Sugbo

Patay ang usa ka babaye human kini nanganak kilid lang sa kadalanan sa General Maxilom Avenue sa karaang Mango Avenue ning dakbayan sa Sugbo kaganihang buntag pasado alas 10 rong adlaw sa Miyerkules, Agosto 14, 2024.

Giila ang biktima nga si Mary Ann Tampos, 35-anyos ug lumulupyo sa Sitio Tabay Lawom, Barangay Tisa apan diha magkatulganan sa kilid sa kalsada sa General Maxilom.

Patay sab ang bata nga giutong niini nga gikatahong wala na kiniy kinabuhi sa dihang migawas ang bata.

Apan sa diha untang dalhon na sa tambalanan ang babaye, nagdumili kini magpahatod og nakapirma pa sa waiver sa mirespondeng medical team nga murescue unta niya.

Sa wala pagdugay nakabsan sab sa kinabuhi ang babaye tungod sa komplikasyon sa pagpanganak niini.