CEBU – Tungod sa grabeng selos nga giingong dunay nanawag ug nagpadala og mensahe sa iyang bana sa Facebook, gisunog sa usa ka babaye sa Davao del Norte, ang iyang kaugalingon.
Nahitabo ang insidente sa usa ka merkado sa Panabo City niadtong nakalabay nga semana.
Sa kuha sa CCTV, makita ang babaye nga si Marie (dili tinuod nga ngalan) nga naglingkod kilid sa dalan.
Adunay kini gibubo nga likido nga gisulod sa usa ka plastic bottle human gidauban ang kaugalingon.
Nagdilaab ang babaye 30 segundos sa dihang naabot ang tabang ug gibubo-an kini og tubig.
Daling gidala si Marie sa Southern Philippines Medical Center aron tambalan.
Nihubag ug nangitom ang iyahang nawng, napikot ang mga mata ug adunay samad sa ngabil ug dunggan.
Matod pa sa usa ka doctor, nga nasunog ni Marie ang iyahang tutunlan sa dihang nahanggap niini ang kayo.
Tungod niini, delikado nga makabaton kini og komplikasyon tungod nihubag ang agianan sa hanin nga posibleng masira ug dili kini makaginhawa.
Dalhon usab si marie sa psychiatrist, tungod sa giingong adunay kini nadungog nga tingog sa wala pa niini gibuhat ang pagdaub sa kaugalingon.
Gibutyag ni Marie nga nahiubos kini sa iyahang bana, aduna kini kavideo call ug kachat gumikan aduna kini laing babaye apan permanente kini nga ihimakak sa bana.
