-- ADVERTISEMENT --
Nakatala ang usa ka babaye gikan sa Spain og Guinness World Record tungod sa iyang dakong koleksyon sa mga egg cup.
Matod ni María José Fuster, kapin na sa 50 ka tuig siyang nangolekta og mga egg cup ug sa pagkakaron aduna na siyay 15,400 niini.
Gibutyag niya nga nagtawag siya og duha ka saksi aron motabang kaniya sa pag-ihap sa iyang mga koleksyon didto sa community center sa ilang lugar sa Campo, Spain.
Ang mga koleksyon ni Fuster naglakip sa nagkalain-laing mga sumbanan, kolor, ug disenyo, lakip na ang mga talagsaong klase sa egg cup nga adunay mga karakter sama nila ni Superman, Betty Boop, ug Garfield.
Matod niya, ang kadaghanan sa iyang koleksyon, nga naglangkob sa 1,143 ka mga egg cup, kasamtangang gipakita sa lokal nga museo.
-- ADVERTISEMENT --
