CENTRAL VISAYAS-Patay ang usa ka 34-anyos nga babayi human madat-ugan sa dakong bato nga natagak samtang nangita og pamaagi nga mahulog kini sa lungag aron aduna siyay patag nga yuta aron mapalapdan ang balay sa iyang pamilya sa Sitio Camogao, Barangay Tambulan, lungsod sa Tayasan sa Negros Oriental.
Giila ang namatay nga si Vigil Cuevas, kinsang lumulupyo sa naasoy nga lugar, minyo ug adunay gagmay nga mga anak.
Giplano sa pamilya sa biktima nga i-duot ang bato ngadto sa lungag nga gikalot niini aron aduna silay mas taas nga luna alang sa extension sa terrace sa ilahang balay.
Nasayran nga ang bato nga naka-ingon sa kamatayon ni Cuevas, giplano nga ibutang sa lungag nga ilahang gikubkub, apan wala damha nga ang bato naligid paingon sa iyaha.
Gisuwayan og rescue ang biktima sa pipila ka kabanay ug pamilya apan sa dihang nakuha ang lawas niini, wala nay kinabuhi.
