Usa ka delivery rider nakalapas sa gun ban sa lungsod sa Cordova, sikop

CORDOVA, CEBU-Gipatuman na sa COMELEC ang gun ban sa tibook rehiyon, hinungdan nga gipahugtan sa kapulisan sa Sugbo ang pagbantay sa komunidad subay sa pagmonitor sa mga makalapas sa gun ban.

Subay niini, nakasikop dayon sa kapulisan sa lungsod sa Cordova ang usa ka indibidwal nga nakalapas sa COMELEC gun ban.

Nadakpan sa checkpoint gahapon Lunes Agosto 28 ang usa ka delivery rider nga giilang si Angelito Piedad Hiyas, 47 anyos, taga Brgy. Agus dakbayan sa Lapu-Lapu.

Nakuha gikan niini ang 9mm nga pistol.

Gibutyag sa mga pulis, nga nisuway matud pa sa pagbalik sa agi si Hiyas apan nakorner kini sa kapulisan.

Gipanguluhan ang checkpoint ni PMaj Michael Gingoyon sa national road sa Brgy. Pilipog.