CEBU CITY-Gibalhog sa mabugnaw nga bilanggoan ug gihikayan sa Mambaling Police Station og kasong theft ang usa ka hamtung nga lalaki human nga nangawat og mga produkto sa usa ka mall nga nahimutang sa may Brgy. Basak San Nicholas Cebu City niadtong Disyembre 5, 2023.
Giila ang maong suspetsado nga si Don Vincent Navarro Madera o DanDan, hingkod ang pangedaron nga taga Sitio Paradise 2 Barangay Kinasang-an, Pardo Cebu City.
Sa inisyal nga imbestigasyon sa kapulisan, nasakpan ug gidakop si Madera sa mga gwardiya sa mall human kini mikuha og chocolate nga tag 290 pesos ug hair serum nga tag 200 pesos og gibutang sa iyang bulsa apan wala kini nibayad gumikan kay wala kini masayod nga kinahanglan mubayad sa counter.
Depensa sa maong suspetsado nga nikuha siya sa mga produkto apan nibayad og 10 pesos og natingala nalang nga gi posasan na siya ug gidala sa presohan.
