CEBU CITY – Gikalingawan sa mga netizens ang usa ka iro nga makitang nag-ampo bag-o mokaon sa Imus, Cavite.
Sa viral video ni Fernando Bote Jr., gisugo niini ang iyang alaga nga Aspin nga ginganlan og “Barako” nga mag-ampo tungod kay mokaon na kini kauban pa ang ubang mga iro.
Gipatung ni Barako ang iyang duha ka paa sa lingkuranan ug niyuko na susuma og nag-ampo nga nakaluhod.
Ang amo ang naglitok sa pag-ampo ug sa dihang gilitok na niini ang “Amen” kay dungan nga nangaon ang iyang mga binuhi.
Matud pa ni Bote nga sa dihang upat palang ka buwan si Barako kay gitudloan na niini kini sa pag-ampo.
Gawas niini, giplanohan pa niini ang uban pa niini nga mga iro sa susamang tricks.
Nasayran nga wala pay anak si Bote ug iyang misis butang nga nakatutok ang ilang kinatibuk-ang atensyon sa ilang mga binuhi nga susama sa tawo ang pagtagad.// EKP
