PROVINCE OF CEBU-Gironda sa mga sakop sa 2nd Provincial Mobile Force Company uban sa Argao Municipal police station ang usa ka lalaki nga nag tiner og armas ug granada sa iyang balay sa Purok Boongon Barangay Lengigon lungsod sa Argao.
Ang suspetsado giila sa mga silingan sa dapit nga si Ronald Davis hingkod ang pangidaron nga molopyo sa maong lugar.
Nakuha gikan sa sulod sa iyang balay ang usa ka 9MM pistol, usa ka magazine sa 9MM ug tulo ka mga bala niini.
Ingun man ang usa ka .38 revolver nga adunay duha ka bala ug usa ka granada.
Gidala sa kapulisan ang search warrant nga giluwatan ni Judge Bernarditto Malabago sa RTC Branch 95 sa lungsod sa Barili probinsya sa Sugbo batok kang Davis human ni gi reklamo nga magdala-dalag armas sa ilang lugar.
