CEBU CITY-Patay ang usa ka lalaki sa Barangay Duljo Fatima ning dakbayan sa Sugbo pasado alas 12 sa udto niadtong adlaw sa Lunes, Hunyo 17, 2024.
Matod pa sa pipila ka mga saksi sa naasoy nga lugar, wala silay nakit-ang motibo sa pagpatay sa biktima.
Giila ang biktima nga si EDWARD ABAYAN, 44-anyos, residente sa Sitio Puntod, Alaska Mambaling ug trabahante sa Barangay Hall sa gipuy-ang lugar.
Dugang pa sa saki sa maong insidente nga kausa lang mipusil sa armas ang wala pa mailhing suspek sa biktima samtang naagpaabot kini sa gi-order nga piniritong isda sa karendera sa naasoy nga lugar.
Gatuo lamang ang mga residente nga ang pagbuto mahitungod sa gisaulog nga pista sa lugar apan nakurat nalang sila nga aduna nay patayng lawas ang naagol.
Naglakaw ra og nakasibat dayun ang suspek sa pagpamusil.
Kasamtangan nagpahigayong gihapon og imbestigasyon ang mga kapulisan sa motibo ug sa pagkatawo suspek sa maong insidente.
