CEBU CITY- Patay ang usa ka lalaki human kini nahulog sa flyover dihang na-disgrasya ang gisakyang motorsiklo nga nahitabo sa may Gov. Cuenco Avenue sa dakbayan sa Sugbo, duol sa buhatan sa TESDA-7.
Sa pakighinabi sa Bombo Newsteam kang Police Major Jonathan dela Cerna, hepe sa Cebu City Traffic Enforcement Unit (TEU), gitino niini nga ang kauban niini nagpabiling walay panimuot ug anaa sa talandugon nga kahimtang hangtod ning pagsuwat.
Ang aksidente nahitabo mga alas 4 sa kaadlawon niadtong Domingo, Hunyo 16.
Gitino sa Opisyal nga padayon pa ang ilang imbestigasyon sa maong insidente samtang gisuwayan usab nila pagtino kon kinsa sa duha ka lalaki ang drayber sa motorsiklo.
Sa imbistigasyon, si dela Cerna niingon nga nag-overspeeding ang motorsiklo nga gisakyan sa duha ka lalaki dihang nahitabo ang insidente.
