Usa ka minivan nga dinaogan gikan sa raffle, nahulog sa dagat gikan sa barko sa pantalan sa Baybay City, Leyte

Usa ka bag-ong raffle-winning nga minivan ang nahulog sa dagat gikan sa barko nga gisakyan niini sa Baybay City Port sa Leyte.

Ang itom nga minivan gikan sa Sugbo ug gikarga sa roll on-roll off (ro-ro) nga barko aron dad-on sa balay sa raffle winner sa Leyte dihang nahitabo ang insidente samtang ang barko gidunggo sa pantalan sa Baybay City.

Matod sa mga nakasaksi, gipaatras ang sakyanan apan kusog kaayo ang dagan hangtod nga nahulog kini sa dagat.

Ang drayber giingong daling nigawas sa minivan ug luwas nga milangoy paingon sa ibabaw sa pier.

Tungod kay gigamit sa ubang mga barko ang lugar diin nahitabo ang insidente ug aron malikayan ang pag-agas sa lana, ang minivan gialsa dayon gamit ang usa ka backhoe.