CENTRAL VISAYAS-Wala damha sa usa ka sakop sa PRO 7 nga makapasar kini sa Bar Examination ug mahimong hingpit nga abogado taliwa sa iyang obligasyon isip usa ka police nga adunay katungdanan alang sa pagpatuman sa kalinaw ug kahapsay sa nasud.
Sa pakighinabi sa Bombo Radyo Cebu News Team ngadto kang Police Staff Sergeant Atty. Eutemio C. Catalan kinsang nakapasar sa 2023 Bar Examination, nga wala niini damha nga mahimo kining abogado gumikan sa iyang ‘hectic schedule’.
Giangkon usab niini nga dili yano ang iyang mga giagian hilabi na nga gawas sa iyang obligasyon sa nasud, usa usab kini ka amahan ug asawa.
Ingon man nga nahimong emosyonal si Catalan sa dihang gipaambit niini nga siya usab ang labing una ug bugtong nga naka-gradwar sa lima ka manag-igsoon gumikan sa kalisod ug kapobrehon kaniadto.
Apan, tungod sa dedikasyon ug paghatag og importansya sa edukasyon nga nakapa-abli sa iyang mata nga makahuman og eskwela, ingon man ang pagkab-ot nga mahimong abogado.
Mihatag usab kini og mensahe sa mga ‘aspiring lawyers’ o sa tanang anaa pa sa proseso sa pagkab-ot sa ilang mga pangandoy nga mosalig sa Ginoo ug dili magpadala sa moabot nga mga kakulian.
