PROVINCE OF CEBU-Patay nang naabot sa tambalanan ang amahan ug inahan samtang naangol ang usa nila ka anak human gipamusil sa Sitio Rattan Brgy.Saksak Pinamungajan, Cebu.
Giila ang mga biktima nga si Artemio Traya 48-anyos ug asawa niini nga si Sarnina Traya 47-anyos nga samang ‘Dead On Arrival’ sa dihang naabot sa Pinamungajan District Hospital.
Samtang gitumbok nga mga suspek nailhan nga sila si Arnold Villamor Ignario ug ang ig-agaw niini nga si Arjie Baron Ignario nga ilahang mga silingan.
Base sa imbistigasyon sa kapulisan sa Pinamungajan nga gibadlong sa anak nga babaye ug sa kapuyo niini ang mga suspek gumikan sa kahubog nga miresulta sa saba ug makadisturbo na kini sa uban pang mga silingan.
Apan, nasuko ang suspek ug daling mikuha og armas ug daling mipabuto ngadto sa mga biktima.
Sa pagkakaron, padayon pa ang hot pursuit operation sa mga susupek kinsang dali nanibat human sa ilang pagpamusil.
