CEBU – Mokabat sa 2 pesos ang usa ka panaksan nga lugaw sa Marulas, Valenzuela, sa Romy’s Lugawan nga gipanag-iya ni Mang Romy Velasco.
Bisan sa medyo taas nga presyo sa mga batakang palaliton, namintinar gihapon sa 77-anyos nga negosyante ang ubos nga presyo sa iyahang lugaw.
Dili ikatingala nga kini popular kaayo sa mga parokyano.
Gani, bag-o lang nag-viral ang iyang istorya ug na-feature sa mga TV program.
Nasayran nga tuig 1974, nakahukom si Tatay Romy sa pag-abli sa usa ka lugawan.
Human sa 48 ka tuig, padayon gihapon nga gidagsa sa mga kustomer ug bag-ong mga parokyano ang ubos presyo nga produkto.
Sa tabang sa pagpamaligya og lugaw, nabuhi ni Mang Romy ang iyang pamilya ug nakagradwar ang iyang duha ka anak.
Sulod sa lima ka dekada, ang usa ka panaksan nga lugaw nisaka lang og HP1.75.
Nagsugod kini sa 25 centimos niadtong 1974, nahimong 50 centimos niadtong 1980, peso niadtong 1992, ug PHP2 sukad niadtong 2002.
Ug human sa 20 ka tuig, nagpabilin kini sa dos pesos.
Daghan ang magbalik-balik sa lugaw ni Tatay Romy dili lang tungod sa presyo niini nga 2 pesos, kondili tungod usab sa kalami niini butang nga gikalipay ra usab sa negosyante.///
