CEBU – Dili maligno kundi kwarta, lakip na ang dolyar, ang makit-an sa usa ka punoan nga Balete sa Miag-ao, Iloilo.
Kini human gituohan sa katawhan nga ihatag sa maong punoan ang mga hangyo og pangandoy.
Gitawag kini sa katawhan nga Balete wishing tree.
Gani, dili lamang mga resisdente sa moang lugar ang mobutang og kwarta sa punoan kundi lakip na ang mga turista hingdan nga adunay dolyar nga makita niini.
Hinungdan nga niadtong 2016, nakatigom og P20,000 gikan sa mga gipangsab-it nga kwarta .
Gigamit ang maong salapi alang sa pagtukod og grotto kilid sa punoan.
Natumba na usab ang punoan sa Balete sa miaging tuig tungod sa bagyong Odette apan natukod ra usab kini dayon sa mga tawo nga nagpakabana sa kahoy.
Tataw sa cultural anthropologist nga si Nestor Castro, dugay na mo-wish ang mga Pilipino sa mga kahoy, sama sa kahoy nga Balete.
