CEBU CITY-Natagak ang usa ka pribadong sakyanan nga gimaneho sa usa ka edaran nga lalaki sa Lower South Hills Barangay Tisa, Cebu City Lunes sa hapon Huly 22, 2024.
Nasuta nga nahagbong sa bong-aw ang sakyanan
kini human nilikay sa gikasugat nga motorista, apan nalahos sa pangpang samtang nagtadlas sa dulhogon nga karsada.
Sa pakighinabi sa Bombo Newsteam kang Simeon Babao, kinsa residente sa naasoy nga dapit ug nakasaksi sa nahitabong aksidente, nga duha ang sakay sa maong sakyanan.
Dugang pa niini, nga sa dihang gi rescue ang duha ka sakay nga pulos lalaki, iyahang nakita nga naglisud na sa pag ginhawa ang drayber samtang ang sakay wala ra kaayo ma grabihi.
Kasamtangang nagpadayon ang imbestigasyon apan sa inisyal nga taho, giingung nakabsan na og kinabuhi ang drayber.
Matud pa sa mga lumulupyo sa maong lugar kay walay concrete barrier ang maong dalan, tungod naguba na kay pipila napud ang naangol ug naaksidente.
