Usa ka special child, lakip sa mga midonar og dugo sa Dugong Bombo: A little pain, A life to gain blood donation program sa Bombo Radyo Philippines

CEBU CITY-Lakip sa mga successful blood donors sa “Dugong Bombo: A little pain, A life to gain” blood donation program sa Bombo Radyo Philippines kagahapong adlawa, Nobyembre 18, 2023 mao ang usa ka special child.

Si Ayessa Dungog, 23 anyos, nga usa ka grade 9 student sa kinatibuk-an, nakadonar na og kaduha ka higayon.

Sa pikas bahin, gihatagan og gibug-aton ni Marichelle Sarcita, nga lumad nga taga Negros Occidental ang kamahinungdanon sa pagdonar og dugo.

Naamgohan niya kini sa dihang iyahang nasaksihan ang iyahang higala nga nag 50/50.

Subay niini, iyahang gihimug-atan nga dako na kaayo og tabang bisan ang usa ka bag sa dugo ilabi na sa mga nanginahanglan niini.

Si Sarcita regular nga nagdonar og dugo sulod sa siyam na ka tuig.