Nalimbuwad ang usa ka sports utility vehicle (SUV) ang nalimbuwad sa Fuente Osmeña Circle sa Cebu City kagahapon sa adlawng Domingo sa buntag, Agosto 2, human giingong nakatulog ang drayber niini sa iyang pagmaneho.
Ang inisyal nga imbestigasyon sa Traffic Enforcement Unit (TEU) sa Cebu City Police Office nagpakita nga ang 21 anyos nga drayber giingong nakatulog samtang naglatas sa kadalanan human sa taas nga biyahe gikan sa Negros region, hinungdan sa pagkabangga ug pagkalimbuwad sa sakyanan.
Nahitabo ang insidente pasado alas 7:55 sa buntag sa Osmeña Boulevard sa Barangay Capitol Site, base sa CCTV footage, ang dark gray nga SUV nagdagan sa Fuente Osmeña Circle.
Samtang ang sakyanan naglikoliko paingon sa Osmeña Boulevard, giingong nawad-an kini og kontrol ug nabangga sa center island, hinungdan sa pagkabalintong niini, ug naabut sa tunga sa multi-lane roadway nga direkta sa pedestrian crossing.
Tungod niini nakasinati og gamay nga paghinay sa dagan sa trapiko aron paglikay sa mga motorista sa mismong naaksidente.
Dali nga miresponde Ang mga sakop sa Traffic Enforcement Unit (TEU) ug ang Cebu City Transportation Office (CCTO) sa aron pagdumala sa lugar ug pagdirekta sa trapiko palayo sa lugar sa aksidente aron malikayan ang dugang nga kahuot sa trapiko ug mga aksidente.
Wala ra hinouy naangul nga mga motorista ingun man mga pedestrian.
